مش عارفة

لحظة ضعف

ساعات كتير الواحد بيمر لحظات ضعف

لحضات ضعف و انت مريض لحظات ضعف و انت حزين

حتى لحظات ضعف و انت وحيد

ايوة لحظات الضعف مرتبطة بالوحدة

ساعات كتير بحس بلحظات ضعف

اما يكون فى شىء غالى ضاع منك بتحس بلحظة ضعف

انهاردة كنت مسافرة فى مشوار تعبت قوى فى الطريق حسيت انى هقع من طولى

احتمال هبوط او حتى برد مش عارفة

بس الى عارفاه انى حسيت انهاردة بلحظة ضعف

لحظة ضعف و انا مش عارفة امشى

و حاسة انىلوحدى حسيت ايوة انى وحيدة حتى لو ماشية فى شارع كله ناس

محدش دلوقت بيساعد حد

محدش دلوقت حاسس بضعف حد

كنت مضايقة قوى من الاحساس دة

فكرت فى كل الى بحبهم

لو كانوا بس موجودين لو كانوا جنبى فى الوقت دة

يا ترى كانوا هيساعدونى ؟ يا ترى كانوا هيخدوا بايدى ؟

احلى لحظات الضعف و انت فى حضن ناس بتحبهم

احلى لحظات الضعف اما تحس ان الى قدماك مش هيستغلك و لا هيضحك عليك

مش عارفة انا عايزة اقول ايه؟

مش عارفة حاسة بحنين لناس بحبهم

ولا فعلا حاسة انى وحيدة

و لا حتى بتكلم على الناس و ان معتش حد بيحس بحد

و لا بيساعد حد

بجد مش عاااارفة

بس اهى مشاعر اخرى و حساها